by രചന – അമ്മൂസ്
“””തുറന്ന് നോക്ക് സാറാ …..”””
അവൻ കവറിലേക്ക് നോക്കി പറഞ്ഞു .
അവന്റെ മുഖത്തേ സന്തോഷവും തനിക്ക് ഇഷ്ടമാകുമോ എന്നറിയാനുള്ള ആഗ്രഹവും
കാരണം അത് തുറന്ന് നോക്കാതിരിക്കാൻ
കഴിഞ്ഞില്ല …..
അവൾ കവർ തുറന്ന് ആ ഡ്രസ്സ് പുറത്തേക്ക് എടുത്തു ……
സാരിയാണ് …….
അവളുടെ കണ്ണുകൾ വിടർന്നു .
കടും കാപ്പിപ്പൊടി നിറത്തിൽ മനോഹരമായ
സ്റ്റോൺ വർക്കും എമ്പ്രോയറി വർക്കും
വന്നിട്ടുള്ള സാരി …..
അവൾ കണ്ണെടുക്കാതെ അത് നോക്കി …….
ഇഷ്ടായോ സാറക്കൊച്ചിന് ……
അവൻ അടുത്തേക്ക് വന്ന് ചോദിച്ചു …..
അവൾ മുഖമുയർത്തി .
ഒരു കുഞ്ഞു പുഞ്ചിരി അവളുടെ ചൊടികളിൽ വിരിഞ്ഞു .
അവനത് കണ്ണെടുക്കാതെ നോക്കി നിന്നു……
എന്റെ സാറ ………
അവൻ ഇടനെഞ്ചു ഒന്ന് തടവി ഒരു മന്ത്രണം പോലെ വിളിച്ചു .
നിനക്ക് ഇപ്പോഴും ഇങ്ങനെ ചിരിച്ചൂടെ പെണ്ണേ
ആ കണ്ണുകളിലെ തിളക്കത്തിൽ നോക്കി അവൻ ചോദിച്ചു …….
എന്തുകൊണ്ടോ ???
ഇത്രയും അടുത്ത് ഇത്രയും സ്വകാര്യമായി അവൻ ചോദിച്ചത് കൊണ്ട് തന്നെ…..
അവളുടെ ശ്വാസഗതി ഒന്ന് ഉയർന്നത് പോലെ ………
പക്ഷേ അവളത് പുറത്ത് കാണിച്ചില്ല .
താങ്ക്സ് ………….
അവൻ നൽകിയ സാരിയെ നെഞ്ചോട് ചേർത്ത് പിടിച്ച് അവൾ പറഞ്ഞു ……
അവന്റെ ചുണ്ടുകളിലും ഒരു ചെറു ചിരി വിരിഞ്ഞു …….
ഇച്ചായാ …….
പെട്ടന്നാണ് ആരോ വിളിക്കുന്നത് കേട്ടത് …
ഇരുവരും ഒരുപോലെ തിരിഞ്ഞ് നോക്കിയതും
എബിയും അന്നയും തങ്ങളുടെ അടുത്തേക്ക് വരുന്നത് കണ്ടു .
ഇരുവരും കയറി വരുമെന്ന് ഒട്ടും പ്രധീക്ഷിച്ചില്ല
ഇച്ചയാ ……ഇത്ര പെട്ടന്ന് ചേച്ചിക്ക് സാരി വാങ്ങി കൊടുത്തോ ?
എബി ചോദിച്ചു ……….
ഹാ …….പുറത്തു പോയപ്പോ വാങ്ങിയെടാ …..
അതിന് നിങ്ങള് എപ്പഴാ പുറത്തു പോയേ …..
അവൻ സംശയ ദൃഷ്ടിയോടെ അവനെ നോക്കി .
അന്ന ചിരിയടക്കിപിടിച്ചു …
സേവി അവനെ ഒന്ന് ഇരുത്തി നോക്കി .
നോക്കട്ടെ ചേച്ചി …..
അന്ന അവളുടെ കൈയിൽ നിന്നും സാരി വാങ്ങി തിരിച്ചും മറിച്ചുമൊക്കെ നോക്കി …..
അടിപൊളിയാണല്ലോ ……..
ഇവിടെ എല്ലാവർക്കും വാങ്ങിയതിൽ ഏറ്റവും ഭംഗിയുള്ളത് ചേച്ചിയുടെ സാരി തന്നെയാ …..
അവൾ ഭംഗി നോക്കിയതിനു ശേഷം സാറയുടെ കൈയിൽ അത് തിരികെ കൊടുത്തു .
സാറ അതുമായി പെട്ടന്ന് തന്നെ താഴേക്കു പോയി ………
അതോടെ എബിയും അന്നയും സേവിയെ വളഞ്ഞിട്ട് ഒന്ന് കളിയാക്കി …..
അവസാനം രണ്ടിനെയും താഴേക്കു തുരത്തിയിട്ട് അവൻ ഫ്രഷ് ആകാനായി റൂമിലേക്ക് കയറി ……
അപ്പോഴും അവന്റെ ചുണ്ടുകളിൽ സാറയെ ഓർത്ത് ഒരു പുഞ്ചിരി തത്തിക്കളിക്കുന്നുണ്ടായിരുന്നു .
🌼🌼🌼
സാറ താഴേക്കു വന്ന് റൂമിൽ കയറി കതകടച്ചു
ശേഷം സാരി കട്ടിലേക്ക് വച്ച് അതിനെ കൺ നിറയെ കണ്ടു …….
ജീവിതത്തിൽ ആദ്യമായാണ് തനിക്ക് ഒരാൾ സമ്മാനമായി എന്തെങ്കിലും തരുന്നത് .
അവളുടെ കണ്ണുകൾ ചെറുതായ് നിറഞ്ഞു .
സേവിയുടെ പുഞ്ചിരിക്കുന്ന മുഖം അവളുടെ മുന്നിലേക്ക് വന്നു .
പ്രധീക്ഷവയ്ക്കുന്ന ഒരു നോട്ടം പോലും താൻ ഇന്നുവരെ സേവിച്ചായന് നൽകിയിട്ടില്ല .
പക്ഷെ ആ മനുഷ്യൻ തന്നെ അത്രയും ആത്മാർത്ഥമായി സ്നേഹിക്കിന്നുണ്ട്
അവൾ ഒരു കുഞ്ഞു വേദനയോടെ ഓർത്തു .
🌼🌼
ഹലോ സേവിയേ ……
എന്നാ ഉണ്ടെടാ വിശേഷം …..
ബെന്നി ഫോണിലൂടെ ചോദിച്ചു …
എന്നാ പറയാനാ ഇച്ചായാ ….
സുഖം ….
പിള്ളേര് എന്ത് പറയുന്നെടാ ….
രണ്ട് പേരും ഓക്കേ ആയി ഇരിക്കുന്നു ….
സാറകൊച്ചോ ???
ഹ്മ്മ് …..
സാറകോച്ചിന്റെ എയറ് പിടിത്തമൊക്കെ കുറഞ്ഞുവരുന്നു .
അവനൊരു ചിരിയോടെ പറഞ്ഞു .
എന്നാ ….എത്രയും പെട്ടന്ന് എങ്കിൽ അത്രയും പെട്ടന്ന്
കെട്ടി കൂടെ കൂട്ടിക്കോ …….
ബെന്നി കളിയാലേ പറഞ്ഞു .
അതിന് അവള് കൂടി സമ്മതിക്കണ്ടേ …..
അവനും അതേ ചിരിയോടെ പറഞ്ഞു .
ഹ്മ്മ്മ്മ് …..
എല്ലാം നടക്കുമെടാ …..
എല്ലാത്തിനും അതിന്റെതായ സമയം കർത്താവ് അടയാളപ്പെടുത്തി വച്ചിട്ടുണ്ട് .
ഹാ …..നേരാ ഇച്ചായാ…..
അവനൊരു നിശ്വാസത്താലേ പറഞ്ഞു .
എടാ ….ഡേവിഡ് ഹോസ്പിറ്റലിൽ നിന്നും ഇറങ്ങിയിട്ടുണ്ട് കേട്ടോ ….
അവന്റെ പകയനുസരിച്ച് അവൻ മിണ്ടാതിരിക്കില്ല ……
ഹ്മ്മ്മ് ……
അവനിങ്ങു വരട്ടെ ഇച്ചായാ ……
എന്റെ പെണ്ണിന്റ ദേഹത്തോ എന്റെ അന്നകൊച്ചിന്റ ദേഹത്തോ ഒരു പോറല് പോലും ഏൽപ്പിക്കില്ല അവൻ അതിന് ഞാൻ സമ്മതിക്കുകയുമില്ല .
കുറച്ച് ദിവസങ്ങള് കഴിയട്ടെ ഞാൻ അങ്ങോട്ട് വരാം ……
ബെന്നി പറഞ്ഞു ……
എന്ത് ആവശ്യം ഉണ്ടെങ്കിലും വിളിക്കണം കേട്ടോ ടാ …..
ഉവ്വ് ….ഇച്ചായാ ……
അവിടെയും അതുപോലെ തന്നെ എന്ത് ഉണ്ടെങ്കിലും വിളിക്കണം പറന്നെത്തും ഞാൻ
ഒരു ചിരിയലെ സേവി പറഞ്ഞു …..
ശേഷം അവൻ ഫോൺ കട്ട് ചെയ്തു .
🌼🌼🌼🌼🌼
മോളെ …സാറ …..
എന്താ ക്ലാരമ്മേ …..
ഇവിടുത്തെ പള്ളിയിൽ ഇന്ന് തിരുനാള് അവസാനമാ മോളെ ….
എല്ലാവരും പോകാൻ റെഡിയാകുന്നുണ്ട് .
അന്നയോടും ഞാൻ പറഞ്ഞിട്ടുണ്ട് ….
കുഞ്ഞും പോയി ചെന്ന് റെഡിയാക് കേട്ടോ ………
മ്മ്മ്മ് ……
ക്ലാരയത് പറഞ്ഞു പോയതും അവൾ റൂമിലേക്ക് ചെന്നു .
അന്ന കുളിമുറിയിലാണ് …..
വരുന്നില്ലെന്ന് പറയാനുള്ളതായിരുന്നു അവളൊരു മടിയോടെ ഓർത്തു .
ഇനി താൻ മാത്രം പോകാതെയിരിക്കുമ്പോ എല്ലാവർക്കും വിഷമമാകില്ലേ …..
അവൾ വീണ്ടും ചിന്തിച്ചു .
ഇപ്പോൾ എന്നേക്കാൾ മുൻതൂക്കം തങ്ങളെ സംരക്ഷിക്കുന്ന ഈ കുടുംബത്തിന് തന്നെയാണ് …..അവരുടെ സന്തോഷത്തിന് തന്നെയാണ് …… ആ ചിന്തയോടെ നിക്കുമ്പോഴായിരുന്നു അന്ന ബാത്റൂമിൽ നിന്നും പുറത്തേക്ക് ഇറങ്ങിയത് …..
എന്ത് ആലോചിച്ചു നിക്കുവാ എന്റെ സാറക്കൊച്ച് …..
അവളെ ചെന്ന് ചുറ്റിപ്പിടിച്ച് അന്ന ചോദിച്ചു …….
.ഒന്നുമില്ല ….
നീ ചെന്ന് ഡ്രസ്സ് മാറ്റ് ….
ഹ്മ്മ്മ് മാറ്റുവാ……..
ചേച്ചി പോയി കുളിച്ചേ …….
അന്ന ടവൽ അവളുടെ തോളിലേക്ക് ഇട്ടുകൊണ്ട് പറഞ്ഞു .
🌼🌼🌼
വൈകുന്നേരമായപ്പോഴേക്കും എല്ലാവരും ഒരുങ്ങി കഴിഞ്ഞിരുന്നു ….
സ്റ്റെയറിൽ നിന്ന് കൈയിലെ വാച്ച് ശെരിയാക്കി കെട്ടി ഇറങ്ങി വരുകയായിരുന്നു
സേവി …….
അപ്പോഴേക്കും സാറയും ഒരുക്കങ്ങളെല്ലാം കഴിഞ്ഞ് റൂമിൽ നിന്ന് ഇറങ്ങി വന്നിരുന്നു .
താഴെ വച്ച് അവളെ കണ്ടതും സേവി ഒരു നിമിഷം അറിയാതെ ഒന്ന് നിന്നുപോയി
താൻ കൊടുത്ത സാരി മനോഹരമായി ഞൊറിഞ്ഞുടുത്ത് നിൽക്കുന്ന സാറയെ കണ്ടതും അവന് കണ്ണെടുക്കാൻ കഴിഞ്ഞില്ല .
അവളെ നോക്കി തന്നെ സ്റ്റെപ്പുകൾ ഓരോന്ന് ഇറങ്ങി താഴേക്ക് വന്നവൻ ……
അടുത്തേക്ക് ആരോ വന്ന് നിന്നത് അറിഞ്ഞതും അവൾ മുഖമുയർത്തി നോക്കി .
സേവിയെ കണ്ടതും അവളൊന്ന് ചിരിച്ചു ….
പക്ഷേ ആ കണ്ണുകളിലെ ഭാവം എന്താണെന്ന് അവൾക്ക് മനസ്സിലാകുന്നില്ല ……
എന്താ ഇങ്ങനെ നോക്കുന്നെ …..
അവൾ സേവിയോടായി ചോദിച്ചു …….
അവനൊന്നു മുഖം കുടഞ്ഞു …..
ശേഷം അവളെ നോക്കി
കാതിനടുത്തായി വന്നു ….
“”””സുന്ദരിയായിട്ടുണ്ട് …….”'”
ഒരു മന്ത്രണം പോലെയവൻ
പറഞ്ഞു …
പെട്ടന്ന് അവളൊന്ന് പിന്നിലേക്ക് ആഞ്ഞു പോയി …….
ഇരുവരുടെയും കണ്ണുകൾ നിമിഷ നേരം പരസ്പരം കോർത്തു ……
തന്റെ മനസ്സിന് എന്താണ് പറ്റുന്നതെന്ന് അറിയാതെ അവളൊന്ന് അസ്വസ്ഥത പ്പെട്ടു .
അപ്പൊഴെക്കും ക്ലാരമ്മയും മേരിയുമൊക്കെ
ഹാളിലേക്ക് എത്തിയിരുന്നു .
🌼🌼🌼🌼
പോകാനിറങ്ങുമ്പോഴും വല്ലാത്തൊരു പരവേശ മായിരുന്നു സാറയ്ക്ക് ……
ചെയ്യുന്ന പ്രവർത്തിയിലെല്ലാം അത് വ്യക്തമായിരുന്നു .
സേവി ഇതെല്ലാം കാണുന്നുണ്ടായിരുന്നു .
അപ്പച്ചനും ക്ലാരമ്മയും എബിയും അന്നയും ഒരു കാറിലായി കയറി പുറപ്പെട്ടു .
സാറയും സേവിയും അമ്മച്ചിയും മറ്റൊരു കാറിലുമായി ഇറങ്ങി .
പോകുന്ന വഴിയിൽ ഒരു റെസ്റ്റോറന്റ്ന് മുന്നിൽ അമ്മച്ചിയും സേവിയും സാറയും സഞ്ചരിച്ച വണ്ടി നിന്നു.
മേരി പറഞ്ഞു നിർത്തിച്ചതാണ് …..
ഇറങ്ങി പുറത്തേക്ക് നോക്കിയതും
കുരിശ്മുറ്റം എന്ന് എഴുതിയിട്ടുണ്ട് .
അത് അവരുടേത് തന്നേയെന്ന് സാറയ്ക്ക്
മനസ്സിലായി …….
മൂവരും ഒരുമിച്ച് ഉള്ളിലേക്ക് ചെന്നു……
സ്റ്റാഫ്കൾ എല്ലാവരും ആ കുടുംബത്തേ കണ്ടതും സ്നേഹത്തോടെ സംസാരിക്കാനായി മുന്നിലേക്ക് വന്നു .
റെസ്റ്റോറന്റ് നോക്കി നടത്താൻ ഏൽപ്പിച്ചിരിക്കുന്ന സോഫിയയെ കണ്ടതും
അമ്മച്ചി അവൾക്കടുത്തേക്ക് തിരിഞ്ഞു.
സോഫിയ …..എങ്ങനെ പോകുന്നു ……
എല്ലാം ഓക്കേ ആയി പോകുന്നു മാഡം …
അവർ അവളെ ഒന്ന് നോക്കി ….
Sorry … അമ്മച്ചി….
അവൾ തിരുത്തി വിളിച്ചു ….
ഹ്മ്മ് ….
അവരൊന്ന് ചിരിയോടെ മൂളി …
മോളെ ഞാൻ ഇപ്പോൾ വന്നത് ….നിനക്ക് ഒരു അസിസ്റ്റന്റ്നെ തരാനാ …..
അവർ അവളെ നോക്കിപറഞ്ഞു …..
സാറ ഇങ്ങു വാ …..അവർ സാറയെ മുന്നിലേക്ക് വിളിച്ചു ……
അവൾ അവർക്ക് അടുത്തേക്ക് വന്നു ….
നാളെയോ മറ്റന്നാളോ മുതൽ സാറയും തന്റെ കൂടെ കാണും കേട്ടോ
ഇവിടെയുള്ള എല്ലാ കാര്യങ്ങളിലും ഇവളുടെ മേൽനോട്ടവും ഉണ്ടാകും ……
സാറ കണ്ണ് മിഴിച്ചു നിന്നു.
അമ്മച്ചി ഞാൻ ……
സോഫിയ ……… സാറ അടുത്ത ദിവസം മുതൽ തീർച്ചയായും ഉണ്ടാകും കേട്ടോ .
സോഫി അവളെ നോക്കി ചിരിച്ചു .
പക്ഷേ തിരിച്ചു ചിരിക്കാൻ അവൾക്ക് ആയില്ല .
ഞങ്ങൾ പള്ളിയിൽ പോകുന്ന വഴിക്ക് കയറിയതാ …..
ഇറങ്ങട്ടെ എന്നാൽ ……
ശെരി അമ്മച്ചി ……
പുറത്തേക്ക് വന്ന് വണ്ടിയിൽ കയറിയതും
സാറ അമ്മച്ചിക്ക് അരികിലേക്ക് നീങ്ങി …
അമ്മച്ചി ….ഞാൻ എങ്ങനെയാ ഇത്രയും വലിയ റെസ്റ്റോറന്റ് ഒക്കെ…… എനിക്ക് ……അതൊക്കെ …….
അമ്മച്ചി അവളെ നോക്കി ……
സോഫിയയുടെ കൂടെ എല്ലാം കണ്ടും കേട്ടും നിന്നാൽ മതി ……
പാചകം ചെയ്യാൻ നിനക്ക് ഇഷ്ടമാണെന്ന് എനിക്ക് അറിയാം .
അവിടെ ഷെഫ്കളുടെ കൂടെ നിന്ന് ഇഷ്ടമുള്ളത് ഉണ്ടാക്കി പഠിച്ചോ കേട്ടോ …..
മാസം സാലറിയും നിനക്ക് ഉണ്ട് …..
വീട്ടിൽ ചുമ്മാ നിൽക്കേണ്ടവൾ അല്ല നീ
മനസ്സിലായോ ……
സാറ തലകുലുക്കി .
സേവി മിററിലൂടെ അവളുടെ മുഖം കണ്ട് പതിഞ്ഞു ചിരിച്ചു ……
ശേഷം വണ്ടി മുന്നോട്ട് എടുത്തു .
തുടരും .
ലൈക് ചെയ്ത് അഭിപ്രായങ്ങൾ അറിയിക്കണേ . 💝💝💝