by രചന – അമ്മൂസ്
അന്നയും സാറയും ആ വീട്ടിലേക്ക് എത്തിയിട്ട് രണ്ട് മാസത്തോളം കഴിഞ്ഞു.
🌼🌼🌼🌼🌼🌼🌼🌼🌼🌼🌼🌼🌼
ഇന്നലെ നല്ല മഴയായിരുന്നു …..
ഞായറാഴ്ച പള്ളിയിൽ പോയി വന്ന കൂട്ടത്തിൽ സാറയും അന്നയും എബിയും നന്നായി മഴ നനയുകയും ചെയ്തു .
എബിക്കും അന്നയ്ക്കും ജലദോഷത്തിൽ ഒതുങ്ങിയപ്പോൾ സാറക്ക് അത് പനിയിൽ ആണ് എത്തി നിന്നത് ……
ചുക്ക് കാപ്പിയും ആവി കൊള്ളാനുള്ള ഔഷധങ്ങളുമായി രണ്ട് അമ്മാമരും മൂന്ന് പേരുടേയും പിറകേ കൂടി .
സേവി ഗോഡൗണിൽ പോയി തിരിച്ചു വന്നപ്പോൾ അറിഞ്ഞിരുന്നു വീട്ടിനുള്ളിലേ ജലദോഷപ്പനികളെപ്പറ്റി ……..
നേരെ മുറിയിലേക്ക് ചെന്ന് ഒന്ന് ഫ്രഷ് ആയി
അവൻ താഴേക്ക് വന്നു ……
ക്ലാരമ്മ എബിക്കും അന്നക്കും കാപ്പി ഇട്ടു കൊടുത്ത് സിറ്റ് ഔട്ടിൽ ഇരിപ്പുണ്ട് …….
അമ്മച്ചി അടുക്കളയിൽ ആണെന്ന് തോന്നുന്നു …..
സേവി സാറയുടെ മുറിയിലേക്ക് നടന്നു …..
ഒരു സൈഡിലേക്ക് ചരിഞ്ഞു കിടന്ന്
വളരെ ശാന്തമായ ഉറക്കത്തിലാണ് അവൾ .
അവൻ പതിയെ സാറയുടെ അടുത്തേക്ക് വന്ന് കട്ടിലിന്റെ അരികിലായ് ഇരുന്നു .
ചെറിയ ക്ഷീണം ആ മുഖത്ത് നിഴലിക്കുന്നുണ്ട് . അവൻ പതിയെ അവളുടെ നെറ്റിയിലേക്ക് വീണ മുടിയിഴകളെ അവളുടെ കാതരികിലേക്ക് കയറ്റി വച്ച് അവളുടെ നെറുകയിലൊന്നു തലോടി ………
ചെറിയ ചൂട് ഉണ്ട് ഇപ്പോഴും ……
തന്റെ കൈതണ്ടയിലേക്ക് അടിക്കുന്ന അവളുടെ ശ്വാസത്തിൽ ആ ഉഷ്ണം നല്ലതുപോലെ അറിയാൻ കഴിയുന്നുണ്ട് .
വീണ്ടും ആ നെറുകയിൽ ഒന്ന് തഴുകി എഴുന്നേൽക്കനാഞ്ഞതും..
പെട്ടന്ന് അവൾ കൈവെള്ളയിൽ പിടുത്തമിട്ടു അവളുടെ കവിളിലേക്ക് സേവിയുടെ കൈ ചേർത്ത് വച്ചു .
അമ്മച്ചി ആകുമെന്ന് കരുതി അറിയാതെയാകും അവൾ തന്റെ കൈ പിടിച്ചതെന്ന് വിചാരിച്ച് സേവി അത് വിടുവിക്കാൻ ഒരുങ്ങുമ്പോഴായിരുന്നു …
അവൾ മിഴികൾ പാതി തുറന്ന് തന്നെ നോക്കുന്നത് കണ്ടത് .
ആ നിമിഷം ആ കൈപ്പത്തിയെ കവിളോട് പതിച്ചു വച്ച് അതിലേക്ക് ഒന്ന് ചുണ്ട് അമർത്തി അവൾ ….
ശേഷം അവന്റെ മിഴികളിലേക്ക് നോക്കി ക്ഷീണത്തേ മറന്ന് അവളൊന്നു ചിരിച്ചു .
അപ്പോഴും കൈവെള്ളയിൽ ആദ്യമായി പതിഞ്ഞ മൃദുലമായവളുടെ അധരങ്ങളുടെ ചൂടിലായിരുന്നു അവൻ.
അവളുടെ ചുണ്ടുകളിലെ പുഞ്ചിരി അതുപോലെ തന്നെ അവന്റെ ചുണ്ടുകളിലും
വിരിഞ്ഞു .
പനി കുറഞ്ഞോ ???
അവൻ മെല്ലെ ചോദിച്ചു .
ഹ്മ്മ്മ് …… അവളൊന്നു നീണ്ട് നിശ്വസിച്ച്
ആ കൈകളെ വീണ്ടും പുണർന്നു .
ഇച്ചായാ …….
മ്മ്മ് ………
എന്റെ അടുത്ത് കുറച്ചു നേരം ഇരിക്കണേ …….
അവൾ മെല്ലെ പറഞ്ഞു …..
അവൻ അവളുടെ മേലേക്ക് കിടന്ന പുതപ്പ് കൈയെത്തി അവളുടെ തോളൊപ്പം വലിച്ച് മൂടികൊടുത്തു കൊണ്ട് അവളെ നോക്കി
എന്റെ സറകൊച്ചിന്റ കൂടെ അല്ലെങ്കിൽ പിന്നെ ഞാൻ ആരെകൂടെയാ ഇരിക്കുക .
അവളോട് ചേർന്നിരുന്നുകൊണ്ട് അവൻ പറഞ്ഞു .
അവൾ പതിയെ മിഴികളടച്ചു . ശാന്തമായ നിദ്രയിലേക്ക് ആഴ്ന്നു .
സാറയുടെ ജീവിതത്തിൽ വന്നുപോയ പനിക്കാലങ്ങളിൽ ഏറെ പ്രിയപ്പെട്ടതായിരുന്നു അത് .
ചേർത്ത് പിടിക്കാനും ചേർന്നിരിക്കാനും
ഒരു കുടുംബം മുഴുവൻ അവളുടെ കൂടെ ഉണ്ടായിരുന്നു.
🌼🌼🌼🌼
വയ്യായിക മാറി ഒന്ന് ഉഷാറായി കഴിഞ്ഞ്
സാറ കടയിലേക്ക് പോകാൻ തീരുമാനിച്ചു .
ഒത്തിരി നാളുകൾക്ക് ശേഷമാണ് വീണ്ടും ജോലിക്ക് പോകാൻ തുടങ്ങുന്നത് ……
ജൂൺ മാസമായതു കൊണ്ട് മഴ പെയ്യാൻ വെമ്പി നിൽക്കുന്നുണ്ട് ……
ഇറങ്ങാൻ തുടങ്ങുന്നതിനു മുൻപ് തന്നെ
സേവിയും അവൾക്കൊപ്പം ഒരുങ്ങി എത്തിയിരുന്നു .
ഇച്ചായൻ ഇന്ന് പോകുന്നില്ലെന്നു പറഞ്ഞിട്ട് ..
സാറ സേവിയെ കണ്ട് ചോദിച്ചു …..
പോകുന്നില്ല ……
ഞാൻ എന്റെ സാറകൊച്ചിനെ കൊണ്ടാക്കാൻ വേണ്ടി ഇറങ്ങിയതാ ……
അവൻ സാറയെ നോക്കി പറഞ്ഞു …..
അവൾ അവനെ നോക്കിയൊന്നു ചിരിച്ചു .
വാ ……
ഇരുവരും വണ്ടിയിലേക്ക് കയറി ……
വണ്ടി സ്റ്റാർട്ട് ആയതും അടുക്കളയിൽ ക്ലാരമ്മയ്ക്ക് അരികിൽ നിന്ന രണ്ട് തലകൾ ഉമ്മറവാതിൽക്കൽ പൊങ്ങി …….
രണ്ടുപേരും ഒരുപോലെ പ്രേമിച്ചു തുടങ്ങി …….
എന്തോ കണ്ടുപിടിച്ചത് പോലെ എബി പറഞ്ഞു .
ഹ്മ്മ്മ് ……..അന്ന ശെരി വച്ചു …….
തന്റെ കൂടെ ഉണ്ടായിരുന്ന ചേച്ചിയിൽ നിന്ന്
സാറ ഒത്തിരി മാറിയെന്ന് അവൾക്കും തോന്നി …..
ഇന്ന് ആ മുഖത്ത് സന്തോഷം മാത്രം …..
കൂടാതെ ഇച്ചായനോടുള്ള പ്രണയവും.
ഒത്തിരി കഷ്ടപ്പെട്ടവരെ ദെയ്വം കൈവിടില്ലന്ന് ചേച്ചി പറയാറുണ്ട് ……അത് ശെരിതന്നെയാണ് ……ഇന്ന് ഒരു സ്വർഗ്ഗം തന്നെ ഞങ്ങൾക്ക് രണ്ടുപേർക്കും തന്നിട്ടുണ്ട് ……. അവൾ നിർവൃതിയോടെ ആലോചിച്ച് എബിയുടെ കൂടെ തിരിഞ്ഞ് നടന്നു .
🌼
അന്ന് സാറയെ റെസ്റ്റോറന്റിലേക്ക് ആക്കിയിട്ട്
ഒന്ന് രണ്ട് കാര്യങ്ങൾ കഴിഞ്ഞാണ് അവൻ വീട്ടിലേക്ക് പോയത് …….
ഉച്ചകഴിഞ്ഞ് നല്ല മഴയായിരുന്നു …….
ഒരു നിർത്തില്ലാതെ പെയ്യുന്ന മഴ ……
സാറയെ വിളിക്കാൻ കാർ അയക്കാത്ത ദിവസങ്ങൾ അവൾ വരുന്ന ഒരുസമയമുണ്ട് .
പക്ഷേ വെകുന്നേരം അവൾ വരുന്ന നേരം കഴിഞ്ഞിട്ടും കാണാതായതും അമ്മച്ചിയും അന്നയും കൂടി അവളെ വിളിച്ചു നോക്കി പക്ഷേ കിട്ടുന്നില്ലായിരുന്നു .
കടയിലെ സോഫിയെ വിളിച്ചപ്പോൾ മഴയായതുകൊണ്ട് സാറ നേരത്തേ ഇറങ്ങി ഇപ്പോ രണ്ട് മണിക്കൂർ കഴിയുന്നു .
അത് കേട്ടതും അന്നയുടെ മനസ്സൊന്നു കിടുങ്ങി …….
ചേച്ചി ഇറങ്ങിയിട്ട് ഇത്രേം നേരമായില്ലേ അമ്മച്ചി …….
അവൾ ചെറിയ പേടിയോടെ പറഞ്ഞു .
ഒന്നുമില്ല മോളെ ……അവൾ ഇപ്പോ ഇങ്ങ് എത്തുമെന്നേ ……
എങ്ങോട്ടുള്ള വഴി അവൾക്ക് അറിയാത്തതാണോ …..
അമ്മച്ചി അവളെ സമാധാനിപ്പിച്ചു .
അപ്പോഴേക്കും ഒരു ഉറക്കം കഴിഞ്ഞ് അപ്പച്ചൻ ഹാളിലേക്ക് വന്നു ……..
എന്ത് പറ്റി രണ്ടുപേരുടെയും മുഖം വല്ലാതെയിരിക്കുന്നത് ?
സാറമോള് ഇതുവരെ വന്നില്ല ന്നേ ……
അതെന്താ കാർ അയച്ചില്ലേ ഇന്ന് അയാൾ ക്ലോക്കിലേക്കു നോക്കി ചോദിച്ചു …..
ഇന്ന് ക്ളീറ്റസ് വന്നില്ല .വേറെന്തോ കാര്യമുണ്ടെണ്ടെന്ന് പറഞ്ഞു .
പിന്നെ നീ സേവിയോടോ എബിയോടൊ പറയാത്തതെന്താ …….
ക്ളീറ്റസ് ചെല്ലാത്ത ദിവസം അവള് ഒറ്റക്കല്ലേ വരുന്നത് അതാ ഞാൻ ……
അമ്മച്ചിയിലും ചെറിയ പേടി വന്ന് തുടങ്ങി .
അപ്പോഴാണ് സേവി സ്റ്റെയർ ഇറങ്ങി വരുന്നത്
അവർ കാണുന്നത് .
എല്ലാവരുടെയും മുഖത്തേ പരിഭ്രമം കണ്ടതും
അവൻ പെട്ടന്ന് ഇറങ്ങി വന്നു …..
എന്നാ പറ്റി എല്ലാവരുടെയും മുഖത്ത് വല്ലാത്തൊരു വെപ്രാളം …..
മോനേ …..സാറ ഇതുവരെ വന്നില്ല ……
സോഫിയെ വിളിച്ച് ചോദിച്ചപ്പോ ഇറങ്ങിയിട്ട് രണ്ട് മണിക്കൂർ ആയെന്നാ പറഞ്ഞേ …..
ക്ളീറ്റസ് ഇല്ലാത്തതുകൊണ്ട് കാറും വിട്ടില്ല ….
എന്നിട്ട് ഇപ്പോഴാണോ അമ്മച്ചി പറയണേ …..
അവന്റെ ഉള്ളിലൊരു പേടി ഉടലെടുത്തു .
കഴിഞ്ഞ ദിവസം ബെന്നിച്ചൻ വിളിച്ചപ്പോൾ പറഞ്ഞിരുന്നതാണ് ഡേവിഡ് ന്റെ കാര്യം .
അവൻന്റെ മനസ്സിലൊരു വെള്ളിടി വെട്ടി ……
പെട്ടന്ന് അവൻ സ്റ്റെപ് കയറി മുകളിലേക്ക് ഓടി …..ശേഷം വണ്ടിയുടെ കീയും എടുത്ത് തിരക്കിട്ട് ഇറങ്ങി വന്നു .
ഞാനും വരാമെടാ ….. അപ്പച്ചൻ അവന്റെ അടുത്തേക്ക് വന്നതും അവൻ തടഞ്ഞു .
വേണ്ടപ്പച്ചാ ….ഞാൻ പോകാം എന്തെങ്കിലും ഉണ്ടെങ്കിൽ വിളിക്കാം ……..
അവൻ വണ്ടിയെടുത്ത് തിരിച്ചു ….
എങ്ങോട്ട് പോകണമെന്ന് അവനൊരു ഊഹം ഇല്ലായിരുന്നു ……..
പെട്ടന്നാണ് അവന്റെ ഫോണിലേക്ക് പരിചയമില്ലാത്ത ഒരു നമ്പറിൽ നിന്ന് കാൾ വന്നത് …….
അവനത് അറ്റന്റ് ചെയ്യുന്നതിന് മുന്നേ കട്ട് ആയി ……
വീണ്ടും വഴിയില്ലെല്ലാം കണ്ണ് പായിച്ച് പോയിക്കൊണ്ടിരിക്കുമ്പോൾ ആ നമ്പറിൽ
നിന്നും വീണ്ടും കാൾ വന്നു . പെട്ടന്ന് അവനത് അറ്റൻഡ് ചെയ്തു ……
ഹലോ …..
ഹലോ …..ഇച്ചായ …
ഇച്ചയാ ….. ഡേവിഡ്…….
മറുതലയ്ക്കൽ നിന്ന് കേട്ട ശബ്ദം സാറയുടേത് ആയിരുന്നു .
അവൻ പെട്ടന്ന് ബ്രേക്കിൽ ആഞ്ഞു ചവിട്ടി .
ഹലോ …….
സാറ …..
അവൻ എന്തെങ്കിലും പറയുന്നതിന് മുന്നേ കാൾ കട്ട് ആയിരുന്നു ….
വല്ലാത്തൊരു പരിഭ്രാന്തി അവനിൽ നിറഞ്ഞു
അവളുടെ ശബ്ദത്തിലെ പേടിയും ഡേവിഡ് എന്ന് അവൾ അവ്യക്തമായി പറഞ്ഞതും അവൻ ഓർത്തു ….
പെട്ടന്ന് തന്നെ തന്റെ കൂടെ പഠിച്ച ഉബൈദ് ന്റെ നമ്പർ അവൻ ഡയൽ ചെയ്തു അവൻ സൈബർ സെല്ലിലാണ് ഇപ്പോ വർക്ക് ചെയ്യുന്നത് …….
രണ്ട് പ്രാവശ്യം റിഗ് ചെയ്ത് ഫോൺ കട്ടായി .
മൂന്നാമത്തെ പ്രാവശ്യം വിളിച്ചപ്പോൾ ഫോൺ എടുത്തിരുന്നു .
ഹലോ ….
ഹലോ ഉബൈദെ ….ഞാനാണ് സേവ്യർ …..
ആഹ്ഹ് മനസ്സിലായെടാ നീ പറ …..
എടാ ഞാൻ ഒരു നമ്പർ അയച്ചു തരാം നീ ലൊകേഷൻ ഒന്ന് നോക്കുമോ …..
എന്താടാ …..എന്തെങ്കിലും പ്രശ്നം ….
നിന്റെ ശബ്ദം കേട്ടിട്ട് അങ്ങനെ തോന്നുന്നു .
ഇല്ലടാ ….നീ ഒന്ന് നോക്കിതാ …..
ശെരി നീ അയക്ക് …
സേവി അപ്പോൾ തന്നെ നമ്പർ അയച്ചു കൊടുത്തു .
കുറച്ചു കഴിഞ്ഞതും അവന്റെ കാൾ എത്തി ……..
സ്ഥലം ഏതാണെന്ന് ഉബൈദ് പറഞ്ഞതും
സേവി അവിടേക്ക് പാഞ്ഞു …………..
ടാപ്പിംഗ് നടക്കുന്ന ഒരു റബർ തോട്ടത്തിന്റെ ഉള്ളിലുള്ള വീട് ……കുറച്ച് ഉള്ളിലേക്ക് ആണ് ………
വാഹനങ്ങൾ പോകുന്നത് ആണ് എങ്കിലും ആരും ശ്രദ്ധിക്കാറില്ല …….
സേവി അവിടെ എത്തുമ്പോൾ വഴിയിലായി
ഡേവിഡിന്റ വണ്ടി കിടക്കുന്നത് കണ്ടിരുന്നു .
അവൻ പെട്ടന്ന് തന്നെ ജീപ്പിൽ നിന്നും ഇറങ്ങി .
ആ വീട് ലക്ഷ്യമാക്കി ഓടി ………
🥀
വീടിനുള്ളിൽ ഡേവിഡ് സാറയുടെ ചുരിദാറിന്റെ ഷോൾ വലിച്ചു പൊട്ടിച്ചതും
അവളുടെ കൈ അതേ സ്പീഡിൽ അവന്റെ കരണത്ത് പൊട്ടിയിരുന്നു .
ഒരു വശത്തേക്ക് കോടിപ്പോയ മുഖത്തേ വെറി കയറിയ രീതിയിൽ തിരിച്ച് അവളുടെ കഴുത്തിൽ കുത്തി പിടിച്ചു അവൻ ….
പ്രധീക്ഷിക്കാത്തതായതിനാൽ അവളൊന്ന്
ഏങ്ങി പോയി …….
ശ്വാസത്തിനായി അവന്റെ കൈകളിൽ മാന്തുകയും ഇടിക്കുകയും ചെയ്തവൾ ………
കിടന്ന് പിടക്കാതെടി…..
സേവിഡ് മുരണ്ടു .
മരണം അടുത്തെന്ന പോലെ അവൾ പിടഞ്ഞു ….
ഡേവിടിന്റ കൂടെ വന്ന സൈമൺ ആ കാഴ്ച നോക്കി നിന്നു.
കൈ വിരലുകൾ മുറുകിയതും ഒരു നിമിഷം പ്രിയപ്പെട്ടവരുടെ എല്ലാം മുഖം അവളുടെ മനസ്സിലൂടെ കടന്ന് പോയി .
ക്രിഷ്ണമണികൾ മുകളിലേക്ക് മറിഞ്ഞ്
അവസാന ശ്വാസത്തിന് വേണ്ടി
പിടയാനൊരുങ്ങിയതും പിന്നാമ്പുറ വാതിൽ വലിയൊരു ശബ്ദത്തോടെ അടർന്നു വീണു .
ഡേവിഡും സൈമണും ഒരുപോലെ അങ്ങോട്ട് നോക്കി .
സേവിയെ കണ്ടതും ഡേവിഡിന്റെ ഞരമ്പുകൾ വലിഞ്ഞു മുറുകി .
അവൻ ഇവിടെ എങ്ങനെ വന്നു എന്ന ചോദ്യം അവന്റെ ഞരമ്പുകളെ വരിഞ്ഞു മുറുക്കി .
പെട്ടന്ന് സൈമൺ മുഷ്ടി ചുരുട്ടി അവനരികിലേക്ക് ഓടി …..
സേവി കാല് മടക്കി അടിനാഭി നോക്കിയൊരു തൊഴിയായിരുന്നു അവനെ ….
സൈമൺ ഡേവിഡിന്റെ മുന്നിലേക്ക് വന്ന് വീണു .
പെട്ടന്ന് സാറയുടെ കഴുത്തിൽ മുറുകിയ അവന്റെ കൈകൾ അയഞ്ഞു ……..
പകയോടെ സാറയെ നിലത്തേക്ക് ഇട്ട് സേവിയുടെ മുന്നിലേക്ക് പാഞ്ഞു ……..
ഡേവിഡ് സേവിയെ ആഞ്ഞു ചവിട്ടി വീഴ്ത്തി
അടയാൻ തുടങ്ങിയ കണ്ണുകളെ വലിച്ചു തുറന്ന് ഇരുവരുടെയും പോര് അവൾ കണ്ടിരുന്നു …….
സൈമണിന്റെയും ഡേവിഡിന്റെയും കൈകരുത്തിന് മുന്നിൽ സേവി രണ്ട് മൂന്ന് തവണ അടിപതറി ……….
അവസാനം ……. ഒന്ന് ഉലഞ്ഞു താഴേക്ക് വീഴാൻ ആഞ്ഞ നിമിഷം സേവിയുടെ വയറിന്റെ ഒരു വശത്തായി ഡേവിഡ് തന്റെ കൈയിൽ ഇരുന്ന കൂർത്ത കത്തി കുത്തിയിറക്കി ……..
സേവി അലറി വിളിച്ചുപോയി ………
ഡേവിഡ് വല്ലാത്തൊരു ഭാവത്തോടെ കത്തി വലിച്ചൂരി വീണ്ടും അവിടേക്ക്തന്നെ കുത്തിയിറക്കി .
സേവി നിലത്തേക്ക് വീണു …….
അവന്റെ നെഞ്ചിലേക്ക് ഒന്ന് ചവിട്ടിയ ശേഷം
ഡേവിഡ് സാറക്ക് അരികിലേക്ക് പാഞ്ഞു ….
അവളെ വലിച്ചു തൂക്കിയെടുക്കാൻ തുടങ്ങിയതും സൈമൺ അവനെ അവളിൽ നിന്നും പിടിച്ചു വലിച്ചു ……
എന്താടാ …….
ഡേവിഡ് വർദ്ധിച്ച ദേഷ്യത്തോടെ തിരിഞ്ഞു.
ടാ രക്ഷപ്പെടാം …….പുറത്ത് പോലീസ് ……..
ഹേ …… ഡേവിഡ് വിശ്വാസമാകാതെ അവനെ നോക്കി …….
അപ്പോഴേക്കും തകർന്ന് കിടന്ന പിന്നാമ്പുറവാതിൽ വഴി
ഉബൈദും ടീമും അകത്തേക്ക് കയറി വന്നിരുന്നു ……
ഉബൈദ് ഡേവിഡ് ന് നേരെ തോക്കു ചൂണ്ടി .
എല്ലാവരും അവർക്കു ചുറ്റും വളഞ്ഞു .
രക്തം വാർന്ന് കിടക്കുന്ന സേവിയെ കണ്ടതും ഉബൈദ് അവന്റെ അടുത്തേക്ക് ഓടി ബാക്കിയുള്ളവർ ഡേവിഡിനെയും സൈമണിനേയും ലോക്ക് ചെയ്തു …….
തന്നെ വിളിച്ച സമയം സേവി നല്ല ടെൻഷനിലായിരുന്നു .
അതുകൊണ്ടാണ് ഉബൈദ് ഒന്നുകൂടി സേവിയെ വിളിച്ചത് .
നിർബന്ധിച്ചപ്പോൾ അവൻ താൻ അകപ്പെട്ട പ്രതിസന്ധിയെക്കുറിച്ച് പറഞ്ഞു
അപ്പോൾ തന്നെ തമിഴ്നാട് പോലീസ് ഫയലിൽ ഡേവിഡിന്റെ ചരിത്രമൊന്നു തിരഞ്ഞു .
കള്ള് ,കഞ്ചാവ് ,പെണ്ണ് , എന്നുവേണ്ട സകലമാന വൃത്തികേടുകൾക്കും അവന്റെ പേര് ഉണ്ട് .
ഡേവിഡ് ന്റെ ഫയലിലെ ഫോട്ടോ സേവിക്ക് അയച്ച് കൊടുത്ത് അവൻ തന്നെയല്ലേ ഡേവിഡ് എന്ന് ചോദിച്ചു. അവിടുന്ന് തംബപ്പ്
മെസ്സേജ് വന്നതും…….
പെട്ടന്ന് തന്നെ അവന്റെ അടുത്തേക്ക് പുറപ്പെട്ടു………..
ഉബൈദ് തന്റെ മുന്നിൽ കിടന്ന
സേവിയെ പൊക്കിയെടുത്ത് ആശുപത്രിയിലേക്ക് പാഞ്ഞു
മുറിവ് അത്ര വലുതായിരുന്നു …….
പാതി ബോധത്തിൽ ഒന്ന് കരയാൻ പോലും മറന്ന് സാറയും ഉണ്ടായിരുന്നു കൂടെ.
തുടരും.